تعبت من الخسارة في التداول؟ السر مش في الاستراتيجية.. السر في العملة المعدنية
هل تصدق إن النجاح في التداول ملوش علاقة قوية بالخبرة ولا حتى بمهارة التحليل الفني أو المؤشرات كتير من الناس أول ما تخسر تقول الاستراتيجية وحشة بس الحقيقة أعمق من كده بكتير
فيديو قناة السهم الممتنع كشف فكرة بسيطة جدًا لكنها بتفرق بين متداول بيكسب ومتداول بيفضل يخسر الفكرة دي مبنية على الإحصاء والاحتمالات ومثالها الأساسي العملة المعدنية
إيه علاقة العملة المعدنية بالتداول
لو رميت عملة معدنية إحتمال صورة 50% وإحتمال كتابة 50% يعني على المدى الطويل النتيجة صفر لا ربح ولا خسارة
طيب إمتى نكسب لما نغير المعادلة لو المكسب دولار والخسارة نص دولار بس هنا حتى مع نفس نسبة النجاح بتطلع في الآخر كسبان
ده اسمه الأفضلية الإحصائية وهي الأساس الحقيقي لأي نجاح في التداول مش التوقع ولا التحليل ولا الحظ
يعني إيه أفضلية وليه أهم من التحليل
الأفضلية معناها إن طريقتك بتديك ربح متوقع بالموجب حتى لو خسرت صفقات كتير
مش مهم الصفقة الجاية تكسب ولا تخسر المهم إن بعد 100 أو 1000 صفقة تطلع النتيجة النهائية ربح
الفيديو وضح إنك تقدر تبني الأفضلية بأكتر من طريقة زي إنك تقلل الخسارة أو تزود الربح أو تحسن نسبة نجاح الاستراتيجية
فخ قانون الأعداد الكبيرة
ليه بتخسر حتى لو استراتيجيتك شغالة
أكتر حاجة بتكسر المتداولين إنهم بيحكموا بدري 10 صفقات خسرانة ويقرر إن الطريقة فاشلة
قانون الأعداد الكبيرة بيقول إن النتيجة الحقيقية بتبان بعد عدد كبير من الصفقات مش صفقة ولا اتنين
المتداول الناجح ممكن يخسر 70% من صفقاته وبرضه يطلع كسبان لأنه عنده أفضلية بتعوض الخسارة
بطل تسأل السوق رايح فين
من أخطر الأسئلة الذهب هيطلع ولا هينزل السهم ده أشتريه ولا أبيع
المتداول الصح مش محتاج يعرف الصفقة الجاية نتيجتها إيه هو عنده نظام وعارف إن النظام ده كسبان على المدى البعيد
الخطوات العملية للنجاح
اختبار الاستراتيجية
مينفعش تدخل بفلوسك غير لما تعمل باك تيست على 100 صفقة على الأقل وتتأكد إن فيه أفضلية حقيقية
التدوين والمتابعة
تسجيل الصفقات وتحليل أدائك النفسي بيكشف أخطاءك ويخليك تطور من نفسك
الخلاصة
التداول مش مقامرة ولا رهان على الصفقة الجاية التداول لعبة أرقام وأفضلية وانضباط
لو لقيت أفضلية بسيطة وكررتها مئات المرات النتيجة الطبيعية إنك تكسب