أذون الخزانة البديل الأقوى للشهادات السنوية دليل شامل وشرح طرح 2026
مع انتهاء الشهادات السنوية ناس كتير بتدور على بديل آمن يدي عائد كويس
من أهم البدائل دلوقتي أذون الخزانة وخصوصا بعد الطروحات الأخيرة في 2026
المقال ده هيفهمك أذون الخزانة ببساطة
بتشتغل ازاي وازاي تستثمر فيها وتحسب عائدك بالأرقام
يعني ايه أذون الخزانة
أذون الخزانة هي أداة دين حكومي
بتصدرها وزارة المالية عن طريق البنك المركزي
والدولة بتستلف منك فلوس لفترة محددة وترجعها لك في الآخر
المدد المتاحة في السوق الأولي
3 شهور 91 يوم
6 شهور 182 يوم
9 شهور 273 يوم
سنة 364 يوم
مواعيد الطرح الأسبوعية
الطرح بيبقى أسبوعي وثابت
يوم الأحد
3 شهور
9 شهور
يوم الخميس
6 شهور
سنة
لازم تقدم الطلب في البنك قبل 10 أو 10 ونص صباحا
الحد الأدنى للشراء 25 ألف جنيه ومضاعفاتها
بتكسب ازاي من أذون الخزانة
أذون الخزانة بتشتغل بنظام الخصم
يعني انت ما بتحطش 100 ألف فعليا
مثلا تدخل على إذن سنة بقيمة اسمية 100 ألف
البنك يخصم من حسابك حوالي 80 ألف
والفرق ده عائدك
العائد بينزل في حسابك فورا
عادة يوم التلات اللي بعد الطرح
وفي نهاية المدة الدولة ترجع لك أصل المبلغ بعد خصم الضريبة
الضريبة بتتحسب ازاي
الضريبة 20%
بتتحسب على العائد فقط مش على أصل المبلغ
العائد بينزل لك كامل في الأول
الضريبة بتتخصم مرة واحدة بس في نهاية المدة من أصل المبلغ
يعني مفيش خصم مرتين
دي نقطة ناس كتير بتتلخبط فيها
مثال عملي على 100 ألف جنيه طرح يناير 2026
3 شهور
متوسط العائد حوالي 25.29%
يتخصم من حسابك حوالي 94,068
ينزل لك عائد فوري 5,932
في الآخر ترجع لك حوالي 98,814 بعد الضريبة
6 شهور
متوسط العائد حوالي 25.46%
يتخصم من حسابك حوالي 88,735
ينزل لك عائد فوري 11,265
في الآخر ترجع لك حوالي 97,746
9 شهور
متوسط العائد حوالي 24.89%
يتخصم من حسابك حوالي 84,303
ينزل لك عائد فوري 15,697
في الآخر ترجع لك حوالي 96,860
سنة
متوسط العائد حوالي 24.49%
يتخصم من حسابك حوالي 80,370
ينزل لك عائد فوري 19,630
في الآخر ترجع لك حوالي 96,074
السوق الأولي والسوق الثانوي
السوق الأولي
ده الشراء المباشر وقت الطرح
بتشتري مدد كاملة بس 3 6 9 12 شهر
العائد بيتحدد حسب متوسط سعر الجلسة
وعشان كده الأفضل تكتب في الطلب متوسط سعر العائد
السوق الثانوي
ده بيبقى عن طريق البورصة
وعشان كده لازم كود موحد
ليه مهم
تقدر تبيع الإذن قبل ميعاده
وتقدر تشتري مدد غير كاملة شهر شهرين 4 شهور
البيع ممكن يكسبك أو يخسرك
حسب أسعار الفايدة وقتها
إجراءات الاستثمار لأول مرة
لازم تخلص خطوتين مرة واحدة بس
- استخراج الكود الموحد
- توقيع عقد حفظ أوراق مالية
الإجراءات دي بتاخد من أسبوع ل 15 يوم
وفيها مصاريف حسب البنك
بعد كده تقدر تدخل أي طرح بسهولة
تشبيه بسيط للفكرة
تخيل انك بتشتري قسيمة قيمتها 100 جنيه
بس دفعت فيها 80 جنيه
الـ 20 فرق دول مكسبك
بس لما تيجي تصرف القسيمة
الدولة تاخد ضريبة على المكسب بس
نصيحة مهمة
سر القوة في أذون الخزانة مش بس في العائد
لكن في استثمار العائد اللي بينزل مقدم
لو سيبته كده بتضيع فرصة
لو استثمرته صح العائد الكلي بيزيد بشكل كبير
أذون الخزانة, بديل الشهادات السنوية, طرح أذون الخزانة 2026, مواعيد طرح أذون الخزانة, عائد أذون الخزانة, حساب عائد أذون الخزانة, الضريبة على أذون الخزانة, السوق الأولي أذون الخزانة, السوق الثانوي أذون الخزانة, الكود الموحد, عقد حفظ أوراق مالية, الاستثمار في أذون الخزانة في مصر
تحميل شيت اكسيل لحساب عائد أذون الخزانة